Расія. Апошні «Блакітны агеньчык»?

«Блакітны агеньчык» — культавы навагодні канцэрт на расійскім тэлебачанні — можа знікнуць.

12bhl0vpqitn2.png

На працягу апошніх гадоў яго крытыкуюць амаль усе. Галоўным чынам аўдыторыі не падабаецца засілле старых поп-зорак накшталт Пугачовай. 

Папярэдняе навагодняе тэлешоў перапоўніла мяжу цярпення. У сеціве нават паўстала петыцыя з заклікам увогуле забараніць «Блакітны агеньчык». Скандал цягнуўся ўвесь год. 

Увосень скандальны Уладзімір Жырыноўскі прапанаваў прапіхваць на тэлебачанне маладых канкурсантаў па прынцыпе квоты. 

Магчыма, «Блакітны агеньчык — 2019» будзе вызначальным для лёсу праграмы. Гэта, падаецца, разумеюць і арганізатары, якія падчас здымкаў бралі з актораў падпіску «пра невыдаванне інфармацыі». 

Між тым, крызіс шоў, напэўна, відавочны, бо яно паўстала ў савецкія часы і было вельмі інтэграванае ў тагачасную рэальнасць. Напрыклад, у праграме распавядалі пра розныя працоўныя рэкорды. 

У гэтым плане ўвогуле дзіўна, што «Блакітны агеньчык» існуе так доўга пасля калапсу СССР. Магчыма, сакрэт яго выжывання ў тым, што сапраўднай альтэрнатывы савецкай формуле сустрэчы Новага года так і не паўстала.

Паводле расійскай прэсы