Саакашвілі будзе адбываць тэрмін у Грузіі

Пытанне аб экстрадыцыі затрыманага былога прэзідэнта Грузіі Міхаіла Саакашвілі ва Украіну не разглядаецца, украінскае грамадзянства экс-прэзідэнта не стане перашкодай для адбыцця тэрміна пакарання ў Грузіі, заявіў пракурор Грузіі Джарджы Цыклауры.
 
«Аднак калі падобны запыт паступіць у Грузію, міністэрства юстыцыі прыступіць да разгляду і прыме законнае рашэнне. Але на дадзеным этапе нічога не паступала, і гэтае пытанне не разглядаецца», – сказаў Цыклауры грузінскім журналістам.

Ён прыгавораны да тэрміна, які павінен правесці ў грузінскіх пенітэнцыярных установах, паведаміў грузінскі пракурор.

Пра затрыманне Саакашвілі паведаміў прэм’ер-міністр Грузіі Іраклій Гарыбашвілі.

Саакашвілі, які шмат гадоў не з’яўляўся на радзіме з-за пагрозы апынуцца ў турме, напярэдадні заявіў, што знаходзіцца ў Батумі, куды прыехаў падтрымаць людзей падчас мясцовых выбараў.

Прэзідэнт Грузіі Саломэ Зурабішвілі заявіла, што яе офіс не будзе прасіць памілавання для затрыманага былога лідара краіны. Пасля затрымання Саакашвілі абвесціў галадоўку і патрабуе сустрэчы з консулам Украіны.

racyja.com

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: