Сведка пагромаў у Казахстане: «Гэта былі не алмацінцы. Гэта былі прыезджыя»

Відавочцы пагромаў у Алматы распавялі журналістам Shot, што адбывалася ў горадзе ў дні самых актыўных пратэстаў.
Фота: t.me / shot_shot via Global Look Press

Фота: t.me / shot_shot via Global Look Press

Па словах аднаго з актыўных удзельнікаў мітынгаў, днём на плошчы збіраліся мірныя мітынгоўцы, каб патрабаваць зніжэння коштаў на бензін або павышэння заробкаў.

Але бліжэй да вечара падыходзілі экстрэмісты. І тады натоўп падзяляўся — адны хацелі застацца на плошчы і ўвязваліся ў жорсткія сутычкі з сілавікамі, а іншая частка пратэстоўцаў разыходзілася з цэнтра, каб лавіць марадзёраў і не даваць пагромшчыкам руйнаваць горад.

Адзін з пратэстоўцаў распавёў:

— Мы ўсе сядзелі мірна, вогнішча, песні спявалі… Пасля на плошчу сталі падыходзіць агрэсіўныя людзі. Там усё неяк незразумела як пачалося… Усё пачалося рэзка і адразу. Там у мяне было пяцёра сяброў. Я не ведаю зараз, дзе яны. Кажуць, што ў моргу.

Мы выходзілі з мірнымі намерамі. Нават тады, калі людзі на плошчы выходзілі, мы не дазвалялі здымаць. Мы казалі: «Давайце не будзем гэта здымаць, таму што гэта ўсё не мы рабілі». Гэта ўсё марадзёры. Я не ведаю, адкуль яны прыйшлі, але былі сярод іх і з Кыгрызстана людзі. Я сам асабіста бачыў, калі нумары здымалі з машын. Марадзёры ўсе прыезджыя былі.

Мы выйшлі мірна са сцягамі Казахстана, каб выказаць сваё меркаванне. Цяпер у краіне ўсё дорага стала, пачынаючы ад паліва і заканчваючы харчамі. Жыллё вельмі дарагое стала.

Палова людзей хацела застацца на плошчы мітынгаваць, а палова хацела пайсці супраць марадзёраў.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: