У Францыі дзясяткі тысяч пратэставалі супраць «санітарнай дыктатуры»

У Францыі дзясяткі тысяч людзей выйшлі на акцыі супраць сістэмы санітарных пропускаў, піша Свабода. 7 жніўня стала чацвёртай суботай пад лозунгамі супраць «санітарнай дыктатуры».

Як паведаміў канал «Еўраньюс», пратэстныя выступы ахапілі 150 гарадоў Францыі. Гэта стала адказам на рашэнне Канстытуцыйнага савету Францыі, які ўхваліў новыя захады барацьбы з каронавірусам.
Уводзіцца забарона на наведванне ўстаноў культуры і спартыўных комплексаў без сертыфікату аб прышчэпцы або без адмоўнага тэсту на COVID. Закон дазваляе адхіляць не прышчэпленых супрацоўнікаў ад працы.
З панядзелка прапускны рэжым у Францыі будзе распаўсюджаны на кавярні, рэстараны, гандлёвыя цэнтры і цягнікі далёкага накіравання. Частка насельніцтва катэгарычна супраць новых абмежаванняў.
У пятніцу ў Італіі былі ўведзеныя аналагічныя захады, нягледзячы на пратэсты. Прапускны рэжым з гэтага часу дзейнічае ва ўстановах культуры і спорту, рэстаранах і ў грамадзкім транспарце. Урад заявіў, што гэта неабходна для больш бяспечнага пачатку навучальнага года.