У Starlink Ілана Маска з'явіўся канкурэнт глабальнай спадарожнікавай сувязі

У Starlink Ілана Маска з'явіўся новы глабальны канкурэнт у выглядзе французскага аператара спадарожнікавай сувязі Eutelsat і брытанскай кампаніі OneWeb.

Як паведамляецца ў прэс-рэлізе Eutelsat, гэты аператар аб’яднае свой флот з 36 спадарожнікаў GEO з групоўкай OneWeb з 648 спадарожнікаў, 428 з якіх цяпер знаходзіцца на арбіце, піша АФН.

Аператар Eutelsat валодае 24% пакета акцый OneWeb. Яшчэ 18% належыць ураду Вялікабрытаніі і 30% — індыйскаму прадпрымальніку Сунілу Міталу. OneWeb была створана з мэтай забяспечыць сотні мільёнаў патэнцыйных карыстальнікаў шырокапалосным доступам да сувязі ў месцах, дзе яе няма.

У той жа час урад Францыі валодае 20% пакета акцый Eutelsat, і 7% належыць кітайскай інвестыцыйнай карпарацыі. Eutelsat займае першае месца па велічыні абароту сярод аператараў спадарожнікавай сувязі ў свеце.

У раду дырэктараў аб'яднанай кампаніі ўвойдуць прадстаўнікі ўрадаў Францыі і Вялікабрытаніі. Гэта дазволіць Лондану аднавіць супрацоўніцтва з ЕС у касмічнай сферы, што знізіць напружанасць паміж бакамі.