У Расіі з'явіцца навуковая рота для барацьбы з «фальсіфікацыямі гісторыі» у краіне і за мяжой

Пры Цэнтральным архіве Мінабароны плануецца стварыць навуковую роту для вывучэння і пошуку фальсіфікацый гісторыі Другой сусветнай вайны.



vsie_na_borjbu.jpg

«Вельмі важны напрамак — гэта сацыялогія, псіхалогія, гісторыя. Мы прапрацоўваем магчымасць стварэння маленькага падраздзялення пры Цэнтральным архіве», — паведаміў журналістам у сераду намеснік міністра абароны Мікалай Панкоў.
 

Ён удакладніў, што спецыялісты новага падраздзялення будуць вывучаць, перш за ўсё, гісторыю Другой сусветнай вайны, а іх навуковая дзейнасць «будзе звязаная з аргументацыяй гістарычных фальсіфікацый, якія сёння атрымалі распаўсюджванне як у Расіі, так і за мяжой».
Аб стварэнні ў расійскі арміі «навуковых рот» са студэнтаў, якія будуць працаваць у інтарэсах ваеннага ведамства, у сакавіку бягучага года паведаміў кіраўнік Мінабароны Сяргей Шайгу. Па словах міністра, «у іх будуць служыць таленавітыя хлопцы, якія, не пакідаючы універсітэцкіх сцен, будуць разам з выкладчыкамі выконваць тыя работы, якія патрэбныя Мінабароны».
 

У аўторак, 9 ліпеня, стала вядома, што дзве першыя навуковыя роты ўжо сфарміраваны са студэнтаў МФТІ, МАІ і МГТУ ім. Баўмана і іншых ВНУ. Адна з іх базіруецца ў Падмаскоўі, другая — у Варонежы.

Паводле расійскіх СМІ