Пугачоўскі бунт
Траса «Самара — Валгаград», якая праходзіць праз горад Пугачоў Саратаўскай вобласці, перакрытая, рух транспарту спынены мітынгоўцамі. Cупрацоўнікі паліцыі спрабавалі досыць жорстка, але без ужыванняў спецсродкаў, адціснуць гараджан з дарогі. Іх спроба скончылася няўдачай. Да месца здарэння падцягнуўся атрад АМАПа.
У несанкцыянаванай акцыі бяруць удзел прыкладна
100–150 разгневаных жыхароў райцэнтра.
Па шляху ў бок дарогі на Самару бунтары, скандуючы «Расія!»,
спрабавалі перакрыць муніцыпальную дарогу, па якой праязджаюць велікагрузы, аднак гэтая спроба скончылася сутыкненнем з праваахоўнікамі.
«У ходзе бойкі
адзін мужчына ўпаў, яго ледзь не затапталі. Яму своечасова дапамаглі падняцца, мабыць, абышлося без сур'ёзных пашкоджанняў», — перадае
карэспандэнт з месца падзеяў.
Падставай для хваляванняў стала забойства 20-гадовага жыхара Пугачова
Руслана Маржанава. Злачынства здзейснена ў ноч на суботу, 6 ліпеня,
у сумна вядомага кафэ «Залатая
бочка». Па версіі
следства, у Маржанова ўзнік канфлікт з 16-гадовым выхадцам з Чачэнскай рэспублікі, у ходзе якога каўказец некалькі разоў ударыў пацярпелага скальпелем у вобласць грудзей.
У бальніцы Маржаноў сканаў. Зламыснік быў затрыманы па «гарачых слядах»,
сёння, 8 ліпеня, суд вынес рашэнне аб яго арышце тэрмінам на два месяцы.
Злачынства выклікала шырокі грамадскі рэзананс у Пугачове. Учора, пасля пахавання загінулага, мясцовыя жыхары выйшлі на несанкцыянаваны мітынг, затым адбылася масавая бойка. Сёння пугачоўцы зноў выйшлі на вуліцы горада з патрабаваннем выселіць з раёна ўсіх прыезджых з Паўночнага Каўказа.
ВІДЭА стыхійнага мітынга ў Пугачове: