Украіна. Распачынаюцца вайсковыя вучэнні Rapid Trident з удзелам 14 краін

На тэрыторыі Яварыўскага палігона ў Львоўскай вобласці 27 чэрвеня пачынаюцца маштабныя украінска-амерыканскія ваенныя вучэнні Rapid Trident-2016.

Удзел у вучэннях прымуць звыш 1800 вайскоўцаў з 14 краін свету. З украінскімі ваеннымі вопытам будуць дзяліцца калегі пераважна з краін-сябраў NАТО, паведамляе "Украінская праўда".
Да ваенных манеўраў будуць прыцягваць бронетэхніку і вайсковую авіяцыю, будуць праводзіцца таксама вучэбныя стрэльбы са стралковай зброі. Вучэнні працягнуцца да 8 ліпеня.
У Мінабароны Украіны раней паведамілі, што на 2016 год запланаваны ўдзел падраздзяленняў Узброеных сіл Украіны ў дзесяці шматнацыянальных вучэннях.