Ва Украіне стварылі робата-паліцэйскага для патрулявання вуліц падчас каранціну

Украінская кампанія «Инфоком ЛТД» на аснове ўласнай рабатызаванай платформы «Скарпіён» стварыла робата-паліцэйскага, паведамляе Ліга абаронных прадпрыемстваў Украіны.

Робат, у прыватнасці, абсталяваны наступным навясным абсталяваннем: дыстанцыйна кіраваны сеткамёт (для выкарыстання паліцыяй або міратворчымі сіламі для барацьбы з агрэсіўна настроенымі дэманстрантамі і хуліганамі), балон са слёзатачывым газам з дыстанцыйным кіраваннем, страбаскоп-мігцелка, манітор для зносін, прылада гучнай сувязі і мікрафон, лідар і радар, цеплавізар для вымярэння тэмпературы цела чалавека, відэакамеры, датчык геалакацыі і інерцыяльныя датчыкі.
Упраўленне платформай ажыццяўляецца непасрэдна чалавекам, які стаіць на ёй, дыстанцыйным чынам або аўтаномна. Для сувязі прапануецца выкарыстоўваць Wi-Fi, Bluetooth, 3G і LTE. Асноўнай задачай робата называецца дыстанцыйнае патруляванне вуліц у перыяд пандэміі каб пазбегнуць прамых зносін паміж паліцыянтам і грамадзянінам.
У красавіку Міністэрства абароны Украіны прыняло на ўзбраенне выведвальны беспілотнік А1-СМ «Фурыя», распрацаваны кампаніяй «Атлон Авіа».