Небяспечная тэндэнцыя

Увядзенне адзіных сертыфікатаў на тавары лёгкай прамысловасці для прадпрымальнікаў Беларусі закранула і ўсходнюю частку Польшчы. Аптавікі з беластоцкіх рынкаў пачалі скардзіцца, што беларускія
партнёры амаль спынілі ў іх закупку прадукцыі. Асабліва абутку і адзення.



Фота cytadel.by


Незалежны эканамічны аглядальнік Аляксандр Сінкевіч называе ціск беларускіх уладаў на прадпрымальнікаў даўняй тэндэнцыяй.

— Гэтая тэндэнцыя працягваецца ўжо не першы год — менавіта зацісканне малога бізнэсу і спробы яго ўзбуйніць і перавесці на больш высокі ровень, каб рэгістраваліся не прадпрымальнікамі, а прыватнымі прадпрыемствамі. Каб неяк узбуйняліся. З імі тады прасцей працаваць, прасцей кантраляваць і збіраць падаткі. Гэта абсалютна зразумелая логіка ў дзеяннях ўладаў. Але гэта вельмі небяспечна ў плане сацыяльнай стабільнасці. 

Дзяржаўны камітэт па стандартызацыі прапанаваў прадпрымальнікам скааперавацца і стварыць уласную лабараторыю. Яна б праводзіла выпрабаванні, неабходныя для сертыфікацыі тавараў у адпаведнасці з тэхнічным рэгламентам Мытнага саюза. Аднак, на думку саміх прадпрымальнікаў, падобная прапанова выглядае фантастычна, дзяржава не зможа перадаць кантрольныя функцыі.

Васіль Кроква, Беларускае Радыё Рацыя

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: