Амаль дзве сотні мігрантаў спрабавалі трапіць у Літву і Польшчу з боку Беларусі

За мінулыя суткі 186 мігрантаў спрабавалі трапіць у Літву і Польшчу з боку Беларусі, піша reform.by са спасылкай на афіцыйныя крыніцы.

У Польшчу 23 верасня спрабавалі незаконна трапіць 90 замежнікаў. Сярод іх — грамадзяне Малі, Турцыі, Туркменістана.

Былі затрыманыя тры памагатыя. На ўчастку Чаромха расіец перавозіў грамадзяніна Емена, на ўчастку Мельнік трох еменцаў перавозіў беларус, у Нарэўцы грамадзянін Афганістана перавозіў пяцёх сваіх суграмадзян.

На літоўска-беларускай мяжы за суткі былі затрыманыя 96 мігрантаў.

Балгарыя ўвяла рэжым надзвычайнай сітуацыі на мяжы з Турцыяй

Міграцыйны крызіс трывае на межах Беларусі з ЕС. Штодзень памежнікі Польшчы і Літвы (часам і Латвіі) спыняюць нелегалаў, якія імкнуцца ў Еўропу пры патуранні і нават садзейнічанні лукашэнкаўскага рэжыму.