Нягледзячы на вайну і мабілізацыю, мігранты працягваюць штурмаваць мяжу Беларусі з ЕС

За мінулыя суткі ў Літву і Польшчу не ўпусцілі 178 мігрантаў з боку Беларусі. Пра гэта паведамляе reform.by са спасылкай на афіцыйныя крыніцы.

54 чалавекі, сярод якіх грамадзяне Эрытрэі і Ганы, спрабавалі трапіць у Польшчу. 10 замежнікаў, якія падлезлі пад бар'ер, выціснулі на тэрыторыю Беларусі. На ўчастку Белавежа былі затрыманыя два памагатыя. Грамадзянін Польшчы перавозіў трох мігрантаў з Самалі, а грамадзянін Туркменістана перавозіў 5 афганцаў.

Ці справакуе «частковая мабілізацыя» новы мігранцкі крызіс у Беларусі?

На літоўска-беларускай мяжы за суткі былі затрыманыя 124 мігранты. З пачатку гэтага года літоўскія памежнікі адмовілі ва ўездзе 7754 мігрантам. Усяго з 3 жніўня мінулага года, калі было прадастаўлена права разварочваць мігрантаў, 15 860 з іх не былі дапушчаныя ў Літву з Беларусі.