Беларускія вайскоўцы пакінулі Казахстан
Дзесяць самалётаў з беларускімі вайскоўцамі пакінулі Казахстан. Яны вылецелі ў Мінскую вобласць на расійскіх самалётах
Беларускія падраздзяленні сіл АДКБ вылецелі з Казахстана ў Мінскую вобласць на 10 самалётах ВПС Расіі, паведамляе ТАСС. Адзначаецца, што беларускія вайскоўцы ў Казахстане «выконвалі задачы па ахове сацыяльна значных аб'ектаў». Пра гэта ў пятніцу распавялі ў Міністэрстве абароны Расіі.
«Дзесяць самалётаў з міратворцамі АДКБ Рэспублікі Беларусь, завяршыўшы пагрузку, вылецелі з аэрадрома Жэтыген у Мінскую вобласць», — гаворыцца ў паведамленні расійскага ваеннага ведамства.