Каля стэлы пратэставалі айцішнікі. Ёсць затрыманыя (шмат фота)

Сёння прадстаўнікі ІТ-сферы зладзілі пратэст. Часта выйшла і стала ў ланцуг каля Парку высокіх тэхналогій, часта пратэстоўцаў калонамі паступова збіраецца каля стэлы.

У 18 гадзін стэла абнесена загародкай, стаіць 4 байца у зялёным камуфляжы. 

На супрацьлеглым баку сабралося каля 50 чалавек з бела-чырвона-белымі сцягамі. Машыны, што праязджаюць, патрымліваюцць пратэстоўцаў сігналамі.

Падышло яшчэ каля 200 чалавек. Яны скандуюць: "Жыве Беларусь".

Калона рушыла ў бок Нямігі.
18.40. Прыехалі 3 буса, з іх выскачылі хлопцы. Хто ў зяленай форме, хто ў цывільным. Але айцішнікі бегаюць значна лепш — амаль усе перабеглі праз мост і нікога спачатку затрымаць не атрымалася. Было чуваць, як нехта ў зяленай форме злосна рыкаў "Ну иди сюда, я табе пакажу трыбунал".
Але потым распачалося паляванне — былі затрыманы некалькі чалавек, якія не бралі ўдзел у шэсьці. Проста яны стаялі на ўзбярэжнай, калі міма пранесліся уцякаючыя хлопцы.

Па праспекце ездзяць машыны без нумароў. Людзі ў вопратцы без знакаў адроўнення хапаюць пратэстоўцаў. Відэа затрыманняў на праспекце Пераможцаў, апублікаваў партал tut.by

19.00 Абураныя жанчыны пачалі пытаць у інспектара ДАІ чаму невядомыя ў масках і цывільным крадуць людзей, чаму іх машыны без нумароў і г.д... Інспектар маўчаў, але амаль зараз жа пад'ехалі яшчэ 3 буса.

Жанчыны сышлі, паляванне працягнулася, але ўжо безвынікова. Усе разышліся. Толькі ля увахода ў метро некалькі жанчын спявалі "Купалінку"