«Пагоню» на балконе глыбоцкі суд палічыў несанкцыянаваным мерапрыемствам

Сёння, 2 красавіка, суддзя Андрэй Тарасевіч пакараў жыхара Глыбокага Аляксандра Шэляпня штрафам у 60 базавых (1740 рублёў), паведамляе тэлеграм-канал «Белсата».

Міліцыянты 25 сакавіка заўважылі на гаўбцы Андрэя Тарасевіча «Пагоню». 27 сакавіка ён быў затрыманы і на тры дні змешчаны ў ІЧУ. Потым мужчыну павезлі ў суд, аднак суд вярнуў справу на дапрацоўку. Сёння справу разглядалі паўторна.

Аляксандр — гісторык. Ён спрабаваў давесці суду, што «Пагоня» з’яўляецца гістарычным сімвалам. І нават прысутнічае ў афіцыйнай геральдыцы Віцебскай вобласці. Але суддзя праігнараваў гэтыя аргументы і прысудзіў штраф — 60 базавых велічынь.