Суд над палітзняволеным Аляксандрам Васілевічам пачнецца 24 студзеня
Пра гэта ў Фэйсбуку паведаміла жонка палітвязня Надзея Зелянкова.
Суд над палітвязнем Аляксандрам Васілевічам пачнецца праз два тыдні
Бізнесмена, саўладальніка рэкламнага агенцтва «Vondel / Hepta» і кампаніі «Mint Media» (выданні «Kyky.org» і «The Village Беларусь») Аляксандра Васілевіча пачнуць судзіць 24 студзеня па абвінавачанні ва «ўхіленні ад выплаты падаткаў».
Нагадаем, Аляксандр Васілевіч быў затрыманы 28 жніўня 2020 года па крымінальнай справе. Яму некалькі разоў падаўжалі тэрмін утрымання пад вартай. У пачатку жніўня яго паставілі на ўлік як схільнага да экстрэмізму ў СІЗА — такі статус нададзены многім палітвязням у Беларусі. У турме палітвязень напісаў кніжку «Тата і пінгвін» — для дачкі, якая нарадзілася, калі ён ужо быў пад вартай.