Палітвязню Кірылу Салееву запрасілі тры гады «хіміі»
Прысуд гукааператару Тэатра юнага гледача, палітвязню Кірылу Салееву абвесцяць заўтра, паведамляюць праваабаронцы.
Суд Фрунзенскага раёна Мінска 10 студзеня працягнуў разгляд крымінальнай справы ў дачыненні да 23-гадовага гукааператара Тэатра юнага гледача, палітвязня Кірыла Салеева. Мужчыну вінавацяць у арганізацыі і падрыхтоўцы дзеянняў, якія груба парушаюць грамадскі парадак, альбо актыўным ўдзеле у іх па ч.1 артыкула 342 Крымінальнага кодэкса РБ.
Справу разглядае суддзя Наталля Бугук, дзяржаўнае абвінавачанне падтрымлівае Дзмітрый Хаваўка.
Кірыла Салеева затрымалі 14 верасня 2021 года, 23-га верасня ў дачыненні да яго была абраная мера стрымання ў выглядзе змяшчэння пад варту. Гукааператара абвінавачваюць па двух эпізодах удзелу ў нядзельных маршах у Мінску 27 верасня і 25 кастрычніка 2020 года.
Сённня ў ходзе судовых спрэчак прадстаўнік абвінавачання Дзмітрый Хаваўка запрасіў для Салеева тры гады абмежавання волі з накіраваннем ва ўстанову адкрытага тыпу (“хімія”).
Чакаецца, што прысуд будзе вынесены заўтра, 11 студзеня.