У Японіі даследуюць беларускую мову

Выкладчыца беларускай мовы ў Японіі Сіёры Кіёсава прадставіла даклад аб сучаснай беларускай мове і нават атрымала за яго ўзнагароду.

Сіёры Кіёсава – аўтар вучэбнага дапаможніка «Спрабуйма!», які выйшаў у Японіі як азнаямленчы пачатковы курс беларускай мовы для японцаў. Упершыню Сіёры прыехала ў Беларусь у 2012 годзе. Аспірантка Цукубскага ўніверсітэта (University of Tsukuba) два гады вывучала беларускую мову ў БДУ, а паралельна з тым наведвала курсы «Мова Нанова».

Пазней у нашу краіну японка прыязджала яшчэ некалькі разоў, у тым ліку каб завяршыць магістарскую працу аб моўнай сітуацыі ў Беларусі.

Цяпер Сіёры і сама выкладае беларускую мову на курсах у японскім універсітэце Дзёці, адным з найлепшых прыватных універсітэтаў, курсы, дарэчы, нават карыстаюцца поспехам. 


Нядаўна Сіёры Кіёсава завяршыла даследаванне, прысвечанае сучаснай беларускай мове, якое прадставіла на сімпозіуме ва ўніверсітэце Хакайда (адзін з сямі найлепшых нацыянальных універсітэтаў Японіі). 

Пра гэта яна паведаміла на сваёй старонцы ў сацсетках. У паведамленні гаворыцца прыкладна наступнае:

«Сёння на 8-м Міжфакультэцкім сімпозіуме ўніверсітэта Хакайда я прэзентавала сваё даследаванне пад назвай “Сучасная беларуская мова як мультыцэнтральная мова: разважанні, як мова пераадольвае канфлікты і падзелы”. Я асабіста шкадавала, што ў мяне не хапіла часу на падрыхтоўку і што змест не быў цэласным, але, на шчасце, я атрымала ўзнагароду за лепшую прэзентацыю. Хоць гэта была ўзнагарода, якую атрымаў кожны трэці ўдзельнік (што такое “лепшы”?..), але гэта абнадзейвае. Вялікі дзякуй за гэтую каштоўную магчымасць».



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: