У свеце максімальны прырост COVID за тры месяцы

У свеце зноў расце колькасць тых, хто захварэў на каронавірус.

За суткі ў свеце зафіксавана больш за 700 тысяч новых выпадкаў каронавіруса. У ЗША — максімум за паўгода, паведамляе korrespondent.net.

У свеце за суткі выявілі амаль 705 тысяч новых выпадкаў каронавіруса, што з'яўляецца максімумам з 13 траўня, сведчаць дадзеныя Worldometers.

Лідарамі захворвання застаюцца ЗША — 120 945 заражэнняў, Індыя — 45 001, Бразілія — 40 054, Іран — 38 674 выпадкаў і Інданезія — 35 764.

Адзначым, што ў ЗША колькасць новых выпадкаў COVID-19 дасягнула максімуму за паўгода.

Пры гэтым палова ўсіх выпадкаў і шпіталізацый прыпадае на сем штатаў з аднымі з самых нізкіх паказчыкаў вакцынацыі — гэта Фларыда, Тэхас, Місуры, Арканзас, Луізіяна, Алабама і Місісіпі.

Вядучы эксперт ЗША па інфекцыйных захворваннях Энтані Фаучы лічыць, што ў бліжэйшыя тыдні з-за штаму Дэльта колькасць выпадкаў захворвання можа вырасці да 200 тысяч на суткі.