Вярхоўны суд не змяніў прысуды фігурантам «справы Ціханоўскага»

Хутка вязняў этапуюць у калоніі, але цягам яшчэ некалькі дзён іх можна падтрымаць грашовымі пераводамі

31 траўня ў Вярхоўным судзе ў закрытым рэжыме пачалі разглядаць апеляцыйныя скаргі шасці фігурантаў «справы Ціханоўскага». Сёння, 1 чэрвеня, суд пастанавіў пакінуць прысуды без зменаў.

Нагадаем, у Гомелі 14 снежня быў абвешчаны прысуд Сяргею Ціханоўскаму, Мікалаю Статкевічу, Ігару Лосіку, Уладзіміру Цыгановічу, Арцёму Сакаву, Дзмітрыю Папову.

Ціханоўскага асудзілі да 18 гадоў калоніі; Статкевіча — да 14 гадоў калоніі; Лосіка і Цыгановіча — да 15 гадоў калоніі; Папова і Сакава — да 16 гадоў калоніі. Палітвязняў абвінавацілі ў арганізацыі «масавых беспарадкаў» у Беларусі падчас падрыхтоўкі і правядзення прэзідэнцкіх выбараў у 2020-м годзе. Суд праходзіў у закрытым рэжыме, таму падрабязнасці працэсу невядомыя.

Хутка палітвязняў накіруюць у калоніі, але цягам яшчэ некалькі дзён іх можна падтрымаць грашовымі пераводамі, нагадваюць праваабаронцы.

Падтрымайце палітвязняў: СІЗА-3, 246003, г. Гомель, вул. Кніжная, 1А

 


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: