Затрымалі самага вядомага мінскага рэпетытара Яўгена Лівянта
Яўген Лівянт крытыкаваў уступную кампанію ў ВНУ, зніжэнне патрабаванняў да студэнтаў і тое, што краіна губляе таленавітую моладзь.
Сілавікі
затрымалі мінскага рэпетытара і заснавальніка адукацыйнага цэнтра па падрыхтоўцы
да цэнтральнага тэсціравання «100 балаў»
Яўгена Лівянта. Ён выкладае фізіку і матэматыку.
Пра затрыманне паведаміў адзін з праўладных тэлеграм-каналаў і размясціў «палоннае» відэа.
«Міністэрства адукацыі лічыць рэпетытараў ворагамі, а мяне — ворагам №1», — сказаў Яўген Лівянт у адным з відэа. Ён шмат гадоў выкрываў праблемы ў сферы адукацыі і востра спрачаўся з Мінадукацыі, жорстка крытыкаваў многія ініцыятывы чыноўнікаў і спрабаваў данесці іх шкоднасць: школьную форму, няпрофільную нагрузку настаўнікаў і іх невысокія заробкі.
