Журналісту Андрэю Пачобуту працягнулі тэрмін зняволення

Андрэй Пачобут знаходзіцца ў СІЗА шосты месяц. Ён прынцыпова адмовіўся з’язджаць з Беларусі.

Палітзняволенаму журналісту Андрэю Пачобуту працягнулі тэрмін утрымання пад вартай на 3 месяцы, паведамляюць праваабаронцы.

Андрэй Пачобут быў затрыманы ў сакавіку па так званай «справе палякаў». Журналіста вінавацяць у распальванні нацыянальнай варожасці (ч. 3 арт. 130 КК), яму пагражае ад 5 да 12 гадоў зняволення.