“Марк Шагал — пасынак Беларусі, ці Чаму мы не цэнім сваіх герояў” — афлайнавыя ток-шоў
Мы маем шмат падставаў ганарыцца дасягненнямі нашых суайчыннікаў: беларускія музыкі, танцоры, гумарысты, спартоўцы, вынаходнікі і многія іншыя штогод скараюць сэрцы журы замежных конкурсаў, ТВ-шоў, атрымліваюць прызнанне за дасягненні ў іншых краінах і робяцца зоркамі. Але ці лічым мы гэтых зорак сваімі?
Віктар Марціновіч. Фота budzma.by
Чаму мы, беларусы, так неахвотна цэнім сваё? Чаму нам так цяжка ганарыцца дасягненнямі суайчыннікаў, і нават замежнае прызнанне не заўсёды дапамагае?
Што рабіць, каб гэты стэрэатып не замінаў нам радавацца і ганарыцца таленавітымі землякамі, шмат каго з якіх суседнія краіны ўжо называюць выключна сваімі?
Як адзначыў нядаўна літаратар і публіцыст Віктар Марціновіч, “нацыя, якую не можа з’яднаць нават гонар за Нобелеўскую прэмію, вырачаная”. Дык ці сапраўды мы такія?
Каб лепш зразумець сябе саміх, нашыя падставы для гонару і нашыя перспектывы, кампанія “Будзьма беларусамі!” запрашае ў Брэсце на афлайнавае ток-шоў “Марк Шагал — пасынак Беларусі, ці Чаму мы не цэнім сваіх герояў”
На ток-шоў разам са спецыяльным госцем, культуролагам і мастацтвазнаўцам Віктарам Марціновічам, аўтарам кнігі “Марк Шагал. Радзіма”, якая неўзабаве выйдзе ў свет, мы хочам супольна з вамі абмеркаваць вострыя пытанні:
– Чаму і якім чынам культурныя героі адрынаюцца ці прымаюцца беларускім грамадствам?
– Як у такой сітуацыі паводзяць сябе нашыя суседзі? (вопыт прыняцця вобразу Мікалая Канстанціна Чурлёніса незалежнай Літвой).
– Як беларусам навучыцца ганарыцца сваім?
Сустрэчы адбудуцца 31 кастрычніка ў двух гарадах:
– г. Пружаны: 13:00 – музей-сядзіба “Пружанскі палацык”, вул. Савецкая, 50
– г. Брэст: 19.00 – нефармальная прастора “Дзедзіч”, вул. Маякоўскага, 46/1.
Сустрэча будзе цікавая ўсім, хто займаецца творчасцю, журналістыкай, культурніцкай і грамадскай дзейнасцю і… любіць свой край.
Уваход вольны!
Даведкі: (029) 727-30-97, (029) 313-98-60