Адстаўка Лукашэнкі знятая з павесткі дня?

Вынікі сённяшняй экстрэннай нарады штабоў Бабарыкі, Цапкалы і Ціханоўскай, а таксама Фонду ByS аналізуе ў сваім тэлеграм-канале Сяргей Навумчык.

Спіс патрабаванняў, якія сёння агучаныя па выніках экстрэннай нарады штабоў Бабарыкі, Цапкалы і Ціханоўскай, а таксама Фонду ByS, выглядае наступным чынам:
1. Правесці новыя адкрытыя выбары.
2. Расследаваць злачынствы па фактах гвалту над мірнымі беларусамі.
3. Вызваліць палітычных зняволеных.
Як бачна, няма галоўнага патрабавання, якое вылучаюць пратэстоўцы, удзельнікі страйкаў — неадкладнай адстаўкі Лукашэнкі. Раней штабы гэтае патрабаванне агучвалі.
Новыя выбары пры Лукашэнку як кіраўніку дзяржавы — гэта, не ўдаючыся ў дэталі, зусім не тое, што выбары без Лукашэнкі.
Таму кіраўнікам штабоў варта было б патлумачыць такую зусім не другарадную змену.