«Shell» і «British Petroleum» адмаўляюцца ад расійскіх нафты і газу

Гіганты індустрыі разрываюць сувязі з краінай-агрэсарам.

Кампанія «Shell» адмаўляецца ад расійскіх нафты і газу, паведамляе яе прэс-служба. Першым крокам у гэтым напрамку называецца неадкладнае спыненне ўсіх спотавых закупак расійскай нафты.

Акрамя таго, «Shell» зачыніць свае АЗС, вытворчасць авіяцыйнага паліва і змазачных матэрыялаў у Расіі.

Таксама ў кампаніі назвалі «няправільнай» закупку партыі расійскай нафты на мінулым тыдні.

Як піша «Bloomberg», следам за «Shell» падпісанне новых дамоваў на куплю расійскіх нафты і газу спыніць брытанская кампанія «British Petroleum».

Паводле «Еўрарадыё».