Заробак Лукашэнкі — каля 4,6 тысяч долараў у месяц

Прыбыткам Аляксандра Лукашэнкі у 2019 годзе з'яўлялася толькі яго зарплата. Яна склала 117 068 рублёў у год ці 9755 рублёў у месяц. У эквіваленце па сярэднегадавым курсе гэта больш за 4,6 тыс долараў.

Гэта вынікае з дэкларацыі аб даходах, якую ён падаў як кандыдат у прэзідэнты. Дадзеныя апублікаваныя 14 ліпеня ў газеце «СБ. Беларусь сегодня».
Ніякай рухомай або нерухомай маёмасці кіраўнік дзяржавы не задэклараваў.
У жонкі Аляксандра Лукашэнкі — Галіны Радзівонаўны, гадавая зарплата склала 5 тысяч 560 рублёў або 463 рублі ў месяц. У Галіны Радзівонаўны ёсць дом 196 кв.м. у Шклове, зямельны ўчастак у Шклове, частка дома ў Шклоўскім раёне, а таксама 56 акцый Шклоўскага масларобнага завода.
Паводле thinktanks.by