Заробкі не менш, чым на вядучых дзяржпрадпрыемствах: цяпер вядома, колькі гэта

Аляксандр Лукашэнка выступіў са свежай ідэяй — зраўняць зарплаты на прыватных прадпрыемствах з заробкамі на самых высокааплатных, на яго думку, дзяржаўных прадпрыемствах. The Village Беларусь праверыў, колькі праз нявызначаны тэрмін будуць атрымліваць супрацоўнікі прыватных арганізацый.

У якасці прыкладу прадпрыемстваў, на якія будуць раўняцца, Лукашэнка прывёў «Атлант», МАЗ, БЕЛАЗ. У заводу «Атлант» цяпер адкрыта 42 вакансіі. Шукаюць слесараў, токараў, маркетолага, эканамістаў, праграмістаў і нават бізнес-аналітыкаў. Рабочаму персаналу — слесары, токары, наладчык, ліцейшчык — прапануюць у сярэднім ад 800 рублёў у месяц, калі ў іх ёсць вопыт працы, а без вопыту на 100 рублёў менш. Графічны дызайнер на «Атланце» будзе атрымліваць ад 830 рублёў, менэджэр вышэйшага звяна — ад 1100 рублёў, маркетолаг і эканаміст — ад 800 рублёў, праграмісту абяцаюць ад 1500 да 2000 рублёў, а бізнэс-аналітыку — ад 1 300 да 2 100 рублёў.
На «Мінскім аўтамабільным заводзе» актыўныя 40 вакансій, у асноўным шукаюць працоўны персанал. Самы вялікі заробак у гэтым раздзеле прапануюць токару-расточніку 5-6 разраду — ад 1 100 да за 1 300 рублёў. Слесарам — ад 900 рублёў, кіроўцу-выпрабавальніку — ад 850 рублёў. Таксама цяпер шукаюць загадчыка вытворчасцю камбіната грамадскага харчавання і намесніка для яго, якім будуць плаціць ад 790 і 700 рублёў адпаведна. А прадаўцу і кухоннага рабочаму — у сярэднім ад 600 рублёў.