Спартоўцаў Аляксандру Герасіменю і Аляксандра Апейкіна таксама будуць судзіць завочна

Так званая «спецыяльная вытворчасць» 29 верасня распачата Следчым камітэтам у дачыненні не толькі праваабаронцы Зміцера Салаўёва, але і заснавальнікаў Фонду спартыўнай салідарнасці Аляксандры Герасімені і Аляксандра Апейкіна. Спартоўцы абвінавачваюцца ў закліках да санкцый (ч.3 арт. 361 Крымінальнага кодэкса).

Імёны Герасімені і Апейкіна з'явіліся ў адпаведным пераліку на сайце СК.

Заснаваны імі Фонд спартыўнай салідарнасці ў 2020 годзе падтрымаў пратэсты, вакол яго згуртавалася супольнасць беларускіх атлетаў, якія выступілі за перамены ў Беларусі.

28 верасня СК заявіў, што збіраецца пачаць спецыяльную вытворчасць таксама супраць Каардынацыйнага савета, праваабарончага цэнтра «Вясна», телеграм-канала «N*xta» і Валерыя Цапкалы. Спецвытворчасць дазваляе судзіць грамадзян Беларусі завочна і сярод іншага — адбіраць у іх маёмасць і, як чакаецца, пазбаўляць беларускага грамадзянства.

На гэтым тыдні спецвытворчасць распачата адносна пяці беларусаў — Яніны Сазановіч, Данііла Багдановіча, Вольгі Высоцкай, Валерыі Занімонскай і вядомага медыяменеджара Дзмітрыя Навошы. Іх абвінавачваюць у адміністраванні тэлеграм-канала «Ч*рная кніга Беларусі».




Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: