CNN: Іран планаваў забойства Трампа

Іран неаднаразова абяцаў адпомсціць за забойства амерыканскімі вайскоўцамі камандуючага Корпусам вартавых ісламскай рэвалюцыі Касема Сулеймані ў студзені 2020 года.

Улады ЗША атрымалі звесткі аб тым, што Іран планаваў забойства Трампа. Але прыкмет датычнасці да гэтых планаў Томаса Крукса, які страляў у палітыка, няма.

Як піша CNN са спасылкай на некалькі дасведчаных суразмоўцаў, выведдадзеныя аб змове Ірана былі атрыманыя ЗША ў апошнія тыдні. Аднак, па словах крыніц, ніякіх прыкмет таго, што да гэтай змовы быў датычны Томас Мэцью Крукс, які страляў у Дональда Трампа на мітынгу 13 ліпеня, няма.

Паводле інфармацыі CNN, атрыманыя ўладамі ЗША разведдадзеныя прывялі да таго, што Сакрэтная служба ўзмацніла меры бяспекі вакол Трампа.

Акрамя таго, у нейкі момант, заўважаюць крыніцы CNN, штаб перастаў праводзіць спантанныя неафіцыйныя мерапрыемствы без папярэдняй праверкі ўдзельнікаў Сакрэтнай службы.

Кожны дзясяты прэзідэнт ЗША быў забіты

Ці былі пагрозы з боку Ірана даведзены да перадвыбарчага штаба Трампа — невядома, піша CNN. У штабе заявілі, што не каментуюць інфармацыю, звязаную з бяспекай кандыдата ў прэзідэнты.

Як адзначае CNN, Іран неаднаразова абяцаў адпомсціць за забойства амерыканскімі вайскоўцамі камандуючага Корпусам вартавых ісламскай рэвалюцыі Касема Сулеймані ў студзені 2020 года. Трамп называў яго адказным за забойствы і раненні тысяч амерыканцаў і казаў, што Сулеймані «трэба было ліквідаваць шмат гадоў таму».

Віталь Цыганкоў: Страшна падумаць, што было б, калі б Трампа забілі

Па дадзеных крыніц CNN, магчымым аб'ектам іранскай змовы таксама быў Майк Пампеа, які займаў пры Трампе пасаду дзяржсакратара.

Пры гэтым, адзначае выданне, існаванне пагрозы з боку варожай дзяржавы і звязанае з гэтым узмацненне мер бяспекі, «ставіць новыя пытанні аб праліках Сакрэтнай службы» на мітынгу Трампа ў Пенсільваніі.