Цырымонія адкрыцця Алімпіяды ў Рыа: галоўная прыгажосць (фота)

Замежжа 06.08.2016

Галоўныя кадры з Бразіліі, дзе адкрыліся летнія Алімпійскія гульні.

Алімпіяда ўпершыню праходзіць у Паўднёвай Амерыцы, таму такі нязручны, начны, час для Еўропы. Зрэшты, цырымонія адкрыцця — гэта вялікая падзея ў свеце не толькі спорту, але і культуры і мастацтва.Заўсёды цікава: дызайнеры як апранулі алімпійцаў? Каму давераць несці сцягі? Нарэшце, галоўнае — хто запаліць алімпійскі агонь? Пеле па стане здароўя адмовіўся, у апошні момант выбар упаў на трохразовага чэмпіёна «Ралан Гарос» Густава Куэртэна.

Жыхары бедных фавел глядзяць на «Маракану», якую аблятаюць верталёты

Акцыі пратэсту супраць палітыкаў, якія растрацілі бюджэт і... скралі сродкі

Патрулі жаўнераў
Бразільцы, якія перажываюць суровы эканамічны і палітычны крызіс, не абяцаюць раскошы, флёра і бляску: бюджэт сённяшняй цырымоніі — 21 мільён долараў. Лондан 4 гады таму выдаткаваў у два разы больш. Аднак і такая марнатраўнасць не па душы насельніцтву: у горадзе незадоўга да Гульняў часта праходзілі акцыі пратэсту. Апошняя — непасрэдна перад цырымоніяй; паліцыі прыйшлося ўжываць слёзатачывы газ і шумавыя гранаты, каб разагнаць мітынгоўцаў.
Месца дзеяння сёння — легендарная «Маракана», дзе два гады таму вызначыўся новы чэмпіён свету па футболе.

Адзін з крэатыўных дырэктараў цырымоніі — кінарэжысёр Фернанду Мейрэйлеш, намінант прэміі «Оскар» за фільм «Горад Бога». Ён знайшоў месца ў сцэнары супермадэль Леа Ці і Жызэль Бундхен.

«Большая частка сродкаў накіравана на забеспячэнне бяспекі і абслугоўваючы персанал. Гэта ў 12 разоў менш, чым у Лондане і ў 20 разоў менш, чым у Пекіне. Гэта робіць правядзенне шоу вялікім выклікам. Я ніколі ў сваім жыцці не рабіў нічога больш маштабнага і ніколі больш не зраблю», — адзначыў Мейрэйлеш.