Дзмітрый Гардон: «Расія паводзіць сябе як рэкецір з 90-х: стварае праблемы, каб потым за грошы іх вырашаць»

Кіеўскі журналіст — пра тое, каму і навошта патрэбна Украіна ў перамовах Усходу і Захаду.

Сцэнар магчымага ваеннага ўварвання Расіі ва Украіну быў падкінуты ў СМІ для застрашвання Захаду і Украіны, лічыць украінскі журналіст Дзмітрый Гардон. Падобная аперацыя, на яго думку, была б выгадная абодвум бакам, а вось нагнятанне сітуацыі прынесла пэўныя плады.

— Афіцыйныя паведамленні не даюць адказаў практычна ні на якія пытанні. Аб чым гаварылі Байдэн і Пуцін застанецца паміж Байдэнам, Пуціным і членамі іх каманд, — цытуе Дзмітрыя Гардона «Салідарнасць» са спасылкай на «Эхо Москвы». — Казаць аб тым, што павінна было адбыцца ўварванне расійскіх войскаў у Украіну, мне здаецца няправільным. Паводле ўсіх звестак выведкі, асаблівага скаплення расійскіх войскаў і тэхнікі на межах з Украінай не выяўлена.

Натуральна, расійскае войска знаходзіцца ў пастаяннай баявой гатоўнасці, каб у выпадку чаго перасекчы расійска-ўкраінскую мяжу. Але трэба разумець, што Пуцін не вар'ят, Пуцін не самазабойца, і ён выдатна аддае сабе справаздачу, якія мінусы ён атрымае.

Гэта не будзе ўжо 2014 год, не будзе бязволля, нерашучасці і адсутнасці сіл і сродкаў. Сітуацыя змянілася, і ўкраінская армія гатовая страляць на паражэнне ў выпадку парушэння дзяржаўнай мяжы. Пуцін гэта выдатна разумее. Далей ён, вядома, разумее ўсе фінансавыя рызыкі, санкцыі і гэтак далей.

Мне здаецца, што нагнятанне сітуацыі ў дадзеным выпадку выгадна было і Расіі, і ў нейкай ступені Злучаным Штатам. Расія падвысіла стаўкі і выняла сваю выгаду, выгандлявала неабходныя прэферэнцыі. Злучаныя Штаты, Байдэн паказаў сябе міратворцам на ўнутраным рынку, у прыватнасці. Думаю, што нічога асабліва сур'ёзнага не планавалася.

Пра якія выгоды для Расіі ідзе гаворка? На думку Дзмітрыя Гардона, гэта, перш за ўсё, гарантыі, што «Паўночны паток-2» будзе працаваць, а ў дадатак — адсутнасць санкцый, якія маглі б быць прынятыя, але не з'явіліся.

— Расія наогул паводзіць сябе як рэкецір з 90-х: стварае праблемы, каб потым за грошы іх вырашаць. Гэта упадабаная тактыка Пуціна. Ён вулічны пацан. Ён прывык так працаваць з заходнімі партнёрамі, як ён кажа. А заходнія партнёры «хаваюць» і ідуць насустрач Пуціну.