Генконсул Расіі ў Крыме не пацвярджае інфармацыю аб ахвярах сярод расіянаў

Замежжа

Адной з падстаў для рашэння Расіі аб ўводзе войскаў на тэрыторыю Украіны была заява спікера Савета Федэрацыі Расіі Валянціны Мацвіенка аб ахвярах сярод расіянаў у Крыме. Пра гэта яна заявіла ў эфіры канала «Расія 24», каментуючы вынікі экстраннага пасяджэння Савета Федэрацыі Расіі па пытанні выкарыстання ўзброеных сілаў за межамі краіны.



matviemko_valentina.jpg

Валянціна Мацвіенка
 Генеральны консул Расіі ў Крыме Вячаслаў Святлічны не пацвярджае гэтую інфармацыю. 

«Няма інфармацыі аб ахвярах або пацярпелых. Была спроба пасадзіць на месца кіраўніка глаўка МУС, прызначанага Кіевам Ігара Овруцкага. Разам з ім пад'ехала група ўзброеных людзей. Паколькі будынак быў блакаваны сіламі самаабароны, меў месца канфлікт, падчас якога мела месца ўзаемная дэманстрацыя сілы. Было зроблена некалькі стрэлаў у паветра», - сказаў Святлічны карэспандэнту LB.ua.


Генконсул не мае інфармацыі аб ахвярах або пацярпелых ні сярод грамадзян Расіі, ні сярод грамадзян Украіны. 
Раней член Савета па правах чалавека пры прэзідэнце Расіі, эксперт Маскоўскай Хельсынскай групы Андрэй Юраў ​​таксама казаў, што прычын для ўводу расійскіх войскаў ва Украіну не было. 
Нагадаем, учора Савет Федэрацыі Расіі дазволіў прэзідэнту гэтай краіны Уладзіміру Пуціну ўвесці войскі ва Украіну.

news.allcrimea.net