Юлія Латыніна: Пуцінскі балаган, які ён называе войскам, чакае татальны разгром

Войска Пуціна чакае разгром. Мабілізацыя толькі набліжае крах яго архаічнага войска, сабранага па сярэднявечных прынцыпах, лічыць публіцыстка Юлія Латыніна.

d1ed4b00_ee78_439a_97ff_7bd9e730ec43_rw_3840.jpg


Свой аналіз складу расійскай арміі Юлія Латыніна правяла ў калонцы, напісанай адмыслова для тэлеграм-канала «Можам патлумачыць».

Пуцін ператварыў Расію ў змесціва сваёй валізкі, сам паверыў уласным байкам і вырашыў, што ў яго ёсць армія, каб разбіць Украіну.

Ну а чым жа на справе з'яўляецца армія Пуціна? Давайце хоць бы палічым, з колькіх падраздзяленняў складаецца яна на сёння:

  • прызыўнікі, неабстраляныя і нявопытныя, выцягнутыя з офіса «Ашчадбанка»;
  • добраахвотнікі, лёс якіх ужо паказаў трэці корпус;
  • кантрактнікі, якіх завабілі на выгадную працэнтную стаўку па іпатэцы;
  • данецкае апалчэнне, якое выкарыстоўваецца як гарматнае мяса;
  • вагнераўцы, падкантрольныя асабіста Пуціну;
  • кадыраўцы, непадкантрольныя нікому, акрамя Кадырава;
  • і яшчэ некалькі груп, якія вы, напэўна, зможаце самі дадаць да гэтага гераічнага спісу.

Ну добра такое магло быць у войску цара Ксеркса! Там маглі ўжыцца персідская кавалерыя, арабы на вярблюдах, лівійцы на калясніцах, а яшчэ сорак сем іншых этнічных груп з уласнай амуніцыяй і ваеннымі звычаямі. Але на двары XXI стагоддзе. Сучасная армія сёння — гэта адзіная скаардынаваная сіла, што кіруецца па сеткацэнтрычным прынцыпе з цэнтра камандавання, які мае доступ да актуальнай інфармацыі аб тым, што адбываецца на поле бою.

Пуцінскі ж ваенны Змей Гарыныч з дзясяткам галоў, якія не чуюць адна адну, да сучаснай арміі ніякага дачынення не мае.

Пра што кажа наяўнасць такой колькасці раз'яднаных падраздзяленняў? У першую чаргу пра недахоп улады для рэформы асноўнай арміі. Як асманскія султаны, не маючы сродкаў для рэформы янычараў, стварылі паралельныя ім падраздзяленні, так і Пуцін, не маючы рэальнай палітычнай сілы для кантролю войска РФ, стварыў «Вагнер», кадыраўцаў, данецкае апалчэнне і батальёны зэкаў.

Скончыцца гэта можа толькі паражэннем. Сярэднявечнае войска магло складацца з элітных рыцараў, наймітаў і сялян з рагацінамі, але сёння такая галіністая структура непазбежна вядзе да краху. Яна проста не ў стане канкурыраваць з дысцыплінай арміі Украіны і яе пранізлівымі інфармацыйнымі тэхналогіямі.

Пуцінскі балаган, які ён называе сучаснай арміяй, чакае татальны разгром, і мабілізацыя гэты непазбежны фінал толькі наблізіла.