Стралкоў: Тое, што Расія мае ва Украіне і ў "Наваросіі" — гэта каласальны правал (відэа)
Па заяве былога «міністра абароны» ДНР Ігара Стралкова, якую ён зрабіў падчас паседжання руху "Наваросіі", у Расіі ў знешняй палітыцы, звязанай з Украінай і дапамогай «ЛНР / ДНР», адбываецца поўныя правал.
«Раней была зроблена стаўка на тое, каб дамовіцца з Украінай, быў напісаны план. Ён быў пра тое, што мы вяртаем ва Украіну ў яе складзе дзве аўтаноміі — Данецкую і Луганскую на чале з нашымі стаўленікамі. За гэта Украіна дэ-факта прызнае пераход Крыму Расіі. Потым мы пачынаем паступова вяртацца на кругі свае. Санкцыі пачынаюць паступова адмяняцца. Усё становіцца як было, плюс Крым", — кажа Гіркін.
Па словах Гіркіна (Стралкова), у выпадку рэалізацыі плана, калі Данецк і Луганск вяртаюцца ў выглядзе аўтаноміі ў склад Украіны, то яна становіцца федэральнай дзяржавай. Такім чынам, Украіна не зможа ўвайсці ў NАТО.
"Расія атрымлівае ў выглядзе рэгіёнаў саюзнікаў, рычагі ўплыву на Кіеў. І ўсё зноў супакойваецца, можна далей ездзіць у Ніцу, можна далей лётаць у Лондан, можна далей выводзіць грошы і прадаваць рэсурсы за рэзаную паперу, якую можна адпраўляць назад у швейцарскія банкі", — лічыць Ігар Гіркін.
Але, па яго словах, гэты план забыліся ўзгадніць з Кіевам. Ва Украіны, у сваю чаргу, ідэя — усё ці нічога, капітуляцыя Расіі, поўная здача "Наваросіі" і Крым у складзе.
"Чатыры месяцы таму наступ быў спынены ў рамках рэалізацыі гэтага плана. За гэты час украінскія войскі ўзмацніліся ўтрая. Мы мае тую ж сітуацыю, што і восенню, толькі разы ў тры горшую. Гэта правал", — падсумаваў Гіркін.