Турцыя анансавала перамовы па вывазу ўкраінскага збожжа. Яны пройдуць у Стамбуле

У Стамбуле заўтра адбудуцца перамовы па сітуацыі з вывазам украінскага збожжа. Пра гэта заявіў міністр абароны Турцыі Хулусі Акар, паведамляе Anadolu.

Паводле яго слоў, перамовы будуць чатырохбаковымі. У іх возьмуць удзел дэлегацыі абаронных ведамстваў Турцыі, Расіі і Украіны, а таксама прадстаўнікі ААН. Бакі плануюць абмеркаваць арганізацыю вывазу украінскага збожжа марскім шляхам.

Перамовам папярэднічалі сустрэчы Акара з кіраўнікамі міністэрстваў абароны Расіі і Украіны.

Нагадаем, пасля пачатку вайны шмат украінскага зерня захрасла ў марскіх партах на поўдні краіны. Расія перашкаджае экспарту збожжа, праз што асобным рэгіёнам свпету пагражае голад.