Турцыя перахоплівае лаўры міратворца ў Беларусі

Турцыя гатовая адыграць сваю ролю ў дээскалацыі адносін Расіі і Украіны: прэзідэнт Рэджэп Эрдаган запрасіў прэзідэнтаў Расіі і Украіны Уладзіміра Пуціна і Уладзіміра Зяленскага ў сваю краіну, каб «уладзіць рознагалоссі».

Пра гэта заявіў афіцыйны прадстаўнік турэцкага прэзідэнта Ібрагім Калын, паведамляе АФН.

Выступ Калына прагучаў на анлайн-вебінары пад назвай «Напружанасць паміж Расіяй і Украінай: што пастаўлена на карту для Еўропы і NATO?», арганізаваным Фондам Circle.

«Турцыя гатовая выступіць у любой ролі для зніжэння напружанасці паміж Расіяй і Украінай», — сказаў Калын.

Паводле яго слоў, прэзідэнт Эрдаган размаўляў як з Уладзімірам Пуціным, так і з Уладзімірам Зяленскім.

«На самой справе, ён нават запрасіў іх абодвух прыехаць у Турцыю, калі яны хочуць сустрэцца і разабрацца ў сваіх праблемах і рознагалоссях», — паведаміў прадстаўнік прэзідэнта Турцыі.

Ён таксама ўдакладніў, што Эрдаган «у бліжэйшыя некалькі тыдняў адправіцца на Украіну для перамоваў з Зяленскім».

Калын дадаў, што «Турцыя гатовая адыграць любую ролю, каб знізіць напружанасць у адносінах паміж Расіяй і Украінай».

«І мы робім гэта як Турцыя, як дружалюбная краіна як Расіі, так і Украіне, але таксама і як хаўруснік у NATO», — адзначыў Калын.

Нагадаем, прадстаўнікі Кіева катэгарычна адмовіліся вярнуцца ў Мінск да перамоваў па ўрэгуляванні сітуацыі ў Данбасе.