«У шапіто ўдзельнічаць не будзем». У Данецкай вобласці настаўнікі адмовіліся выходзіць на працу па загадзе акупантаў

У адной са школ на акупаванай расійцамі тэрыторыі Данецкай вобласці настаўнікі адмовіліся працаваць на патрабаванне акупантаў. Пра гэта паведаміў кіраўнік Данецкай вайсковай дзяржаўнай адміністрацыі Павел Кірыленка.

«Мы ў гэтым шапіто ўдзельнічаць не будзем": такімі словамі настаўнікі школы ў акупаваным населеным пункце Данбаса сустрэлі патрабаванне акупацыйнай адміністрацыі выйсці на працу. Гэта сапраўды геройскі ўчынак», — гаворыцца ў паведамленні Кірыленкі.

Паводле яго слоў, расійцы «фактычна ўзялі ў закладнікі ўсіх жыхароў акупаваных тэрыторый і спрабуюць стварыць карцінку «мірнага жыцця».

З пачатку вайны расійскія акупанты разбурылі 120 школ, 103 дзіцячыя садкі і 37 ВНУ.

Як паведамлялася раней, украінскае Міністэрства адукацыі і навукі вырашыла перагледзець школьную праграму па замежнай літаратуры і скараціць у ёй расійскіх пісьменнікаў. Па словах міністра адукацыі Сяргея Шкарлета, эксперты вельмі глыбока перагледзяць творы, якія раней былі рэкамендаваныя ў рамках курсу рускай літаратуры, і вельмі крытычна паставяцца да зместу курса.

Паводле unian.net.