«Вяртайцеся цэлымі, бо мне трэба замуж». Украінская тэлезорка звярнулася да вайскоўцаў

Тэлезорка Леся Нікіцюк, якая з пачатку поўнамаштабнага ўварвання РФ ва Украіну пайшла валанцёрыць, дала інтэрв'ю журналісту Дзмітрыю Гардону. У інтэрв'ю Леся звярнулася да ўкраінскіх вайскоўцаў, перадала ім прывітанне і заклікала вяртацца жывымі.

Дзмітрый Гардон спытаў у зоркі «Новага канала», ці знайшла яна сабе жаніха.

«Ой, Дзіма. У нас тут вялікая частка — гэта жанчыны і дзеці. Усе мужчыны застаюцца абараняць нашу краіну. Я ўсім нашым вайскоўцам запісваю відэа і кажу: вяртайцеся цэлымі, таму што мне трэба замуж, мне ж трэба, каб выбар быў», — пракаментавала Нікіцюк.

«І наогул, усім дзецям, усім Узброеным сілам Украіны, вялікае прывітанне. Дзякуючы вам, пацаны, мы дасталі пласціны са станікаў і кеўларавыя трусы змянілі на карункавыя», — распавяла Леся Нікіцюк з усмешкай.

Паводле unian.net.