У ЗША адбыліся выпрабаванні гіпергукавай ракеты

Пентагон паведаміў пра паспяховыя выпрабаванні гіпергукавай ракеты, выпушчанай з выспы Каўаі ў Ціхім акіяне. Хуткасць, з якой яна ляцела, у некалькі разоў перавышала хуткасць гуку, гаворыцца ў паведамленні Мінабароны ЗША.

Злучаныя Штаты ў ноч на пятніцу, 20 сакавіка, правялі паспяховыя выпрабаванні няўзброенай гіпергукавай ракеты. Яна была выпушчаная з ціхаакіянскай выспы Каўаі і ляцела да зададзенай мэты з хуткасцю, што ў некалькі разоў перавышае хуткасць гуку, гаворыцца ў паведамленні Пентагона. Выпрабаванне стала «вырашальным крокам» на шляху да хутчэйшага выкарыстання новага зброі ў магчымых ваенных місіях, адзначаецца далей у дакуменце.
У заяве міністэрства абароны ЗША ракета афіцыйна названая «гіпергукавым плануючым блокам». Дакладных дадзеных аб траекторыі, далёкасці або мэце ракеты Пентагон не прадставіў.
Дзякуючы надзвычайнай хуткасці палёту, гіпергукавыя ракеты здольныя абыходзіць любыя сучасныя сістэмы супрацьракетнай абароны. Яны таксама лічацца вельмі манеўранымі. Раней аб распрацоўках і прыняцці на ўзбраенне падобных сістэм ўжо заяўляла Масква. Расійскі бок сцвярджае, што хуткасць гэтага віду ўзбраення можа ў дваццаць разоў перавышаць хуткасць гуку. ЗША кажуць аб пяцікратным перавышэнні.
dw.com