Украіна можа даказаць у Страсбургу садзейнічанне Расіі тэрарызму

Украіна можа юрыдычна даказаць заахвочванне Расіяй тэрарыстычных дзеянняў. Пра гэта заявіў прадстаўнік Украіны пры Савеце Еўропы Мікалай Тачыцкі ў інтэрв’ю выданню «Украінскі тиждень». 



«Безумоўна, у рамках Савета Еўропы існуе канвенцыйны інструментар (заснаваны на канвенцыях СЕ - рэд.), які дае магчымасць падымаць такія пытанні. Гэта, напрыклад, Канвенцыя Савета Еўропы аб папярэджанні тэрарызму», — адзначыў Тачыцкі.

У той жа час, такі механізм досыць доўгі, і таму не занадта прыдатны для бягучай сітуацыі. Іншым, і больш дзейсным спосабам, паводле слоў украінскага прадстаўніка ў савеце Еўропы, з’яўляецца зварот да статутных органаў Рады Еўропы з мэтай атрымаць палітычную рэакцыю на садзейнічанне Расіі тэрарызму ва Украіне.

Адным з шляхоў дасягнення гэтага, па словах дыпламата, можа быць ініцыятыва з боку Генеральнага сакратара СЕ Турб’ёрна Ягланда.

«Для гэтага быў бы патрэбны асобны даклад генеральнага сакратара або Парламенцкай асамблеі Савета Еўропы», — адзначыў Тачыцкі.

«Гэта рэальныя крокі, якія могуць і павінны быць зроблены на ўзроўні Савета Еўропы. Для гэтага не трэба велізарных намаганняў, дастаткова ўласнага сумлення і палітычнай смеласці. Прынамсі, казаць пра гэта мы павінны», — падкрэсліў ён.

Раней паведамлялася, што міжнародная супольнасць можа прыцягнуць да адказнасці сепаратыстаў, якія дзейнічаюць ва Усходняй Украіне: адносна гэтых груп асоб можа дзейнічаць Міжнародны крымінальны суд у Гаазе. Пра гэта заявіла вярхоўны Камісараў ААН па правах чалавека Наві Пілай.