«Абазвалі "схільным да экстрэмізму" і павесілі таблічку над ложкам». Сястра палітвязня Мікалая Казлова пра яго ўтрыманне ў турме


Палітвязень Мікалай Казлоў

Палітвязень Мікалай Казлоў


Яго сястра, якая сустрэлася з ім некалькі дзён таму, распавяла, што Мікалай знаходзіцца ў камеры адзін.

«Яго абазвалі "схільным да экстрэмізму" і павесілі таблічку над ложкам. Умовы і стаўленне нельга назваць добрымі. Асвятленне ў камеры дрэннае, чытаць можна з цяжкасцю. Мікалай скардзіцца на праблемы са зрокам — мабыць, адбіваецца апёк, які ён атрымаў у мінулым годзе, калі іх на Акрэсціна залівалі хлоркай. Але ў аглядзе і дапамозе афтальмолага яму было адмоўлена.

Увесь час гарлапаніць радыё. Карэспандэнцыю аддаюць далёка не ўсю: тэлеграмы з днём нараджэння ад многіх не дайшлі, атрымаў толькі 3 штукі. Пазбавілі магчымасці адказваць на лісты, забраўшы паперу і ручкі.
Папрасіў выпісаць яму прэсу.

У Міколы ўжо ёсць спагнанне ў выглядзе вымовы за тое, што ен нешта зрабіў несвоечасова — пры тым, што ў яго няма гадзін, і час удакладніць не ў каго.

Ён лічыць, што прыдзірлівае стаўленне адміністрацыі і аховы можа быць абумоўлена жаданнем знайсці нагоду для змяшчэння яго ў ШІЗА».

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: