Асуджаных «нашаніўцаў» перавялі ў Магілёў

Палітвязня Андрэя Скурко перавялі ў Магілёў. Аб гэтым паведаміла ягоная жонка Паліна ў фэйсбуку.

Таксама перавялі ў калонію і іншага фігуранта справы — Ягора Марціновіча. Ён таксама будзе адбываць пакаранне ў Магілёве.

Крымінальную справу супраць галоўнага рэдактара «Нашай нівы» Ягора Марціновіча і кіраўніка аддзелу маркетынгу і рэкламы Андрэя Скурко сілавікі завялі паводле ч. 2 арт. 216 Крымінальнага кодэксу (прычыненне маёмаснай шкоды без прыкмет крадзяжу, учыненае групай асоб па папярэдняй змове або ў буйным памеры).

Прысуд агучылі 15 сакавіка. Суддзя Анжэла Касцюкевіч вынесла вырак: Ягору Марціновічу і Андрэю Скурко прысудзілі па 2,5 года зняволення, як і прасіла пракуратура.

Ягор Марціновіч і Андрэй Скурко прызнаныя палітвязнямі.