Гарнякі «Белкалія» працягваюць італьянскую забастоўку

У аўторак апоўдні некалькі дзясяткаў шахцёраў, якія падтрымліваюць стачку "Беларуськалія", выйшлі да адміністрацыйнага будынка аб'яднання, размешчанага ў цэнтры Салігорска, паведамляе Салідарнасць.

Ля ўваходу ў галаўны офіс у іх адбылася сустрэча з в.а. кіраўніка незалежнага прафсаюза гарнякоў ААТ «Беларуськалій» Анатолем Рылавым, а таксама кіраўнікамі НПГ усіх рудаўпраўленняў.

Апошнія паабяцалі, што зробяць усё магчымае, каб абараніць удзельнікаў стачкі.

Прагучала, што адзін дакумент рыхтуецца, а другі, у якім кіраўніцтва "Белкалія" заклікаецца да дыялогу з работнікамі па раней агучаных патрабаванням, — ужо накіраваны наймальніку.

Падчас сустрэчы з'явіліся супрацоўнікі міліцыі, якія папярэдзілі пра незаконнасць сходу, і настойліва папрасілі разысціся. Гарнякі, абмеркаваўшы бягучую сітуацыю, разышліся самастойна.

Нагадаем, напярэдадні лідар стачкама "Беларуськалія" Анатоль Бокун быў асуджаны і адпраўлены на 15 сутак за краты. Тым часам працаўнікі прадпрыемства па закліку страйкаму працуюць паводле інструкцыі, выконваючы тэхніку бяспекі на працоўных месцах. Гэта азначае італьянскую забастоўку.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: