Хворую на рак пенсіянерку зноў асудзілі да «хатняй хіміі»
Людмілу Хлусевіч з Рэчыцы другі раз асудзілі да «хатняй хіміі» за абразу міліцыянта
Сёння, 1 лютага, суд Рэчыцкага рaёна асудзіў паводле артыкула за абраза міліцыянта (арт. 369 Крымінальнага кодэкса) 65-гадовую пенсіянерку Людмілу Хлусевіч.
Падставай для чарговага суда і новай крымінальнай справы стаў каментар у «Аднакласніках» пад фотаздымкам міліцыянта, паведамляюць праваабаронцы.
Суддзя Марына Кацуба прызначыла пенсіянерцы пакаранне — 2 гады «хатняй хіміі», а таксама вырашыла спагнаць з яе на карысць “пацярпелага” міліцыянта маральную шкоду ў памеры 500 рублёў, хоць той ацаніў свае пакуты ў 1000 рублёў.
Людмілу Хлусевіч ужо адбывае пакаранне «хатняй хіміяй» паводле аналагічнага прысуду: 15 верасня яе асудзілі паводле таго ж 369 артыкула ККда 1,5 года «хатняй хіміі».
У Людмілы Хлусевіч — анкалагічнае захворванне, падчас першага працэсу з-за стрэсу жанчына пакідала перадсмяротную запіску.
