Палітычным плацяць за тут ж працу ў 40 разоў менш! Як у Гомельскай калоніі дыскрымінуюць палітвязняў

У Гомельскай жаночай калоніі №4 адкрыта дыскрымінуюць палітвязняў — пра гэта распавялі людзі, якія нядаўна вызваліліся.

Ад вязня, які нядаўна вызваліўся, праваабаронцам стала вядома, што жанчынам, асуджаным па палітычных артыкулах супрацоўнікі калоніі з парога заяўляюць, што для іх будуць дзейнічаць асаблівыя правілы.

Усе палітвязні там адкрыта папярэджаныя пра адсутнасць карэспандэнцыі — лісты прыходзяць толькі ад сваякоў і тое не ўсе.

Штомесячная так званая “атаварка” ў турэмнай краме магчымая толькі на суму ў дзве базавыя велічыні (на сёння 64 рублі) нават пры адсутнасці іскаў да пагашэння.


Аднак самае галоўнае іх паражэнне ў правах тычыцца прамзоны калоніі. Калі "бытовічкі" маюць магчымасць атрымаць мінімальны заробак, які ў Беларусі складае на сёння 457 рублёў (з яго на рахунак паступае да 350 рублёў), то палітычным вязням плацяць пры аднолькавай з астатнімі выпрацоўцы не больш за 8 рублёў у месяц. Гэта значыць, у 40 разоў менш!


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: