План на Курапаты: грыль каля помніка
Улады Мінскага раёна паказалі “горадабудаўнічы праект дэтальнага планавання” ля Курапатаў. Згодна з ім ад помніка да прыдарожнага рэстарана, вядомага як “Бульбаш-хол”, будзе ўсяго 50 метраў. Такія ахоўныя межы помніка пазначаюцца ў праекце планавання. Да выставачнага комплекса, які збіраюцца будаваць з боку “Экспабела”, — 240 метраў.
На думку старшыні Добраахвотнага таварыства аховы помнікаў гісторыі і культуры Антона Астаповіча, распрацоўваць такі праект — незаконна.
Астаповіч:“Закон “Аб ахове гісторыка-культурнай спадчыны” забараняе праектную дзейнасць без усталяваных і зацверджаных зон аховы гісторыка-культурнай каштоўнасці. Новы праект зон аховы разглядалі, але ахоўныя зоны не зацверджаныя пастановай Міністэрства культуры. Гэта парушэнне заканадаўства”.
Недалёка ад помніка, каля рэстарана плануюць збудаваць сезонныя палаткі-грыль, а з боку будучага выстаўнага комплекса — аўтобусную стаянку. Таксама праекціроўшчыкі плануюць паставіць у Курапатах помнік — з боку рэстараннага комплекса. Паводле задумы, гэта будзе “Недабудаваны Храм”.
Варыянт помніка
Ахоўныя межы помніка: 50 метраў ад рэстарана і 240 ад выстаўнага комплекса
Лічба 6 абазначае палаткі-грыль ля ахоўных зон мемарыяла
А лічба 9 - аўтобусную стаянку
Фота Еўрарадыё