Раніцай у Мінску адкрыўся не «McDonald's», а невядома што

На рэстаранах зноў зніклі шыльды, але не з'явіліся новыя. Сайт атрымаў новую прапіску, з меню зніклі бігмакі. 
Увечары 27 лістапада сайт беларускага «McDonald's» стаў пераскіроўваць карыстальнікаў на новы адрас — ksbv.by. Гэтая абрэвіятура «КСБ Віктары Рэстараны» — франчайзінг амерыканскай сеткі ў Беларусі. На сайце ёсць абноўленае меню, затое няма ніякіх лагатыпаў.

Напрыклад, у меню на новым сайце, гэтак жа як і ў расійскага брэнда «Смачна — і кропка», няма «Біг Мака», «МакЧыкен Прэм'ер» страціў прыстаўку «мак», а «Філе-о-фіш» зараз называецца «Фіш Бургер».



Затое ў раздзеле «Сняданкі» засталіся мафіны, але ў іх назвах таксама няма прыстаўкі «мак», таксама ў меню захавалася і Coca-Cola — у расійскай «Смачна — і кропка» гэтага напою няма.

Дзіўна, але на новым сайце ўвогуле няма ніякіх лагатыпаў, знешне сайт такі ж, як і быў раней у «McDonald’s» у Беларусі, паведамляе «Office Life».



У пачатку лістапада, нагадаем, з'явілася інфармацыя, што рэстараны «Макдональдс» пад кіраваннем «КСБ Віктары Рэстараны» праз некалькі тыдняў працягнуць працу пад расійскім брэндам «Смачна — і кропка».


Па тэлефоне ў некалькіх кропках сталічнай сеткі аператары адказалі, што яны працуюць у звычайным рэжыме і адносяцца да сеткі «КСБ Віктары Рэстараны» — і не называюцца ні «McDonald's», ні «Смачна — і кропка». Ці з'явіцца ў перспектыве другая назва, супрацоўнікі не змаглі адказаць. А таксама папярэдзілі, што ў звыклых сняданках бекону больш не будзе, але ўсё астатняе ёсць. І нават Coca-cola.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: