Вярхоўны суд разгледзіць заяву пра змену прысуду Дзянісу Ураду

Справу будуць разглядаць 18 жніўня «ў сувязі са змяненнем заканадаўства».

Вярхоўны суд разгледзіць заяву пра змену прысуду былому капітану Генштаба Дзянісу Ураду, які атрымаў 18 год турмы за тое, што сфатаграфаваў ліст ад міністра ўнутраных справаў міністру абароны і адправіў гэты здымак тэлеграм-каналам.
Магчыма, суд зменіць тэрмін пакарання з улікам новых нормаў заканадаўства, паводле якіх адзін дзень у СІЗА залічваецца як паўтара дня ў калоніі.
Сваякі Дзяніса Урада паведамілі, што нічога не ведаюць пра новы працэс і даведаліся пра гэта з медыяў.
Справу будуць разглядаць 18 жніўня «ў сувязі са змяненнем заканадаўства».