Латвія адмовіла Генпракуратуры Беларусі ў прававой дапамозе па справе аб генацыдзе

Генпракуратура Беларусі атрымала адказ ад Генеральнай пракуратуры Латвіі на запыт аб аказанні прававой дапамогі па справе аб генацыдзе насельніцтва Беларусі ў гады ВАВ.


Запыт быў накіраваны ў чэрвені гэтага года, адзначае REFORM.by.

«Латвійскі бок апавясцілі, што ў Латвіі і за яе межамі пражывае каля 400 былых латышскіх легіянераў СС, якія датычныя да здзяйснення ваенных злачынстваў і злачынстваў супраць чалавечнасці ў гады Другой сусветнай вайны», — адзначылі ў Генпракуратуры.

Латвійскаму боку быў перададзены спіс з імёнамі 22 былых членаў латышскага легіёна СС, 15-й латышскай дывізіі Вафен-СС, 24-га тэрытарыяльнага стралковага корпуса.

Паводле інфармацыі Генпракуратуры, латвійскі бок адмовіў у задавальненні запыту, спаслаўшыся на тое, што яго выкананне «немінуча нанесла б шкоду суверэнітэту Латвійскай Рэспублікі, паставіла б пад пагрозу правы яе грамадзян, стварыла б рызыкі дзяржаўнай бяспекі Латвіі».

Генпракуратура Беларусі абвінаваціла палітычныя эліты Латвіі ў «адкрытым дапамаганні ва ўтойванні ваенных злачынцаў, элементарным адмаўленні каштоўнасці чалавечага жыцця, ухіленні ад рэалізацыі прынцыпу няўхільнасці адказнасці і ігнараванні міжнародных абавязацельстваў».

Раней беларускаму боку ў аказанні прававой дапамогі па дадзенай справе адмовіла Літва.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: