Разгул дэмакратыі: На выбарах 2015 года з’явяцца празрыстыя скрыні і прагаласуюць невідушчыя выбарцы

На прэзідэнцкіх выбарах 2015 года ў Беларусі ўпершыню змогуць прагаласаваць невідушчыя выбарцы. Для іх на выбарчых участках будуць матэрыялы са шрыфтам Брайля.



Пра гэта 14 мая паведаміў сакратар Цэнтравыбаркама Мікалай Лазавік на пасяджэнні ЦВК, прысвечаным будучым выбарам. Плануюцца і іншыя новаўвядзенні на ўчастках для галасавання. У прыватнасці, там будуць лупы для людзей са слабым зрокам.

Акрамя таго, на ўчастках для галасавання з’явіцца больш празрыстых скрыняў. Старшыня ЦВК Лідзія Ярмошына выказалася ў падтрымку празрыстых скрынак на ўчастках для галасавання. Яна папрасіла кіраўнікоў абласных выбарчых камісій павялічыць колькасць неабходных для галасавання празрыстых скрынак: “Пагаварыце з кіраўнікамі прадпрыемстваў. Хай, калі гэта магчыма, арганізуюць на сваіх участках магчымасць гэтых празрыстых пластыкавых скрыняў. Калі не ў школах, то на прадпрыемствах гэта магчыма”.

Адна пластыкавая скрынка з полікарбанату каштуе не так ужо і шмат — 1 мільён 300 тысяч рублёў.

Паводле Еўрарадыё